វិធីធ្វើ៖
១. ដាំទឹកអោយពុះ
២. យកម្សៅឆាមួយកំប៉ុងចាក់ដាក់ចាន
៣. ចាក់ទឹកពុះចូល៣វែក ច្របល់ម្សៅឱ្យសព្វ
៤. ចាក់ទឹកស៊ីរ៉ូក្រហមមួយស្លាបព្រាចូល កូរឱ្យសព្វ
៥. រោយម្សៅឆាឆៅបន្ថែម ហើយច្របាច់សាច់ម្សៅលាយបញ្ចូលគ្នាបន្តិចម្តងៗទាល់តែបានជាម្សៅ មួយដុំម៉ត់ល្មួតចូលគ្នា
៦. បើជាប់ដៃ យកម្សៅឆាលាបទាល់តែសាច់ម្សៅឈប់ជាប់ដៃ
៧. យកបន្ទះក្តារជ្រុញលាបម្សៅឆា បបោសផាត់ពីលើតិចៗ
៨. បេះម្សៅមួយដុំដាក់លើក្តារជ្រុញ ហើយកិនឱ្យសំប៉ែតជាបន្ទះស្តើងៗ
៩. យកម្សៅទៅបបោសនឹងកូនកាំបិត ហើយយកទៅកាត់បន្ទះម្សៅឱ្យទៅជាសរសៃ
១០. រោយម្សៅឆៅលើសរសៃលត ហើយពង្រាយសរសៃឱ្យដាច់ពីគ្នា។
១១. ដាំទឹកក្តៅមួយឆ្នាំងឱ្យពុះ
១២. ចាក់សរសៃលតចូលក្នុងឆ្នាំង យកចង្កើសកូរតិចៗឱ្យលតដាច់សរសៃពីគ្នាកុំឱ្យជាប់គ្នា
១៣. ទុកឱ្យលតពុះមួយស្របក់
១៤. នៅពេលសរសៃលតចេញពណ៌ថ្លា ហើយអណ្តែតនៅលើផ្ទៃទឹកខាងលើ សូមស្រង់ដាក់លាងទឹកត្រជាក់។
១៥. នៅពេលស្រង់លតដាក់ចាន សូមដាក់ទឹកកកចូលដើម្បីរក្សាលតកុំឱ្យជាប់គ្នា។
១៦. ដាំទឹកស្ករសដាក់អំបិលចុងស្លាបព្រា
១៧. ពេលទទួលទានដួសលតដាក់ចាន ថែមទឹកស្ករ និងខ្ទិះដូង៕
No comments:
Post a Comment