របៀបធ្វើប្រហុកអំពិលទុំ

គ្រឿងផ្សំ៖

• - សាច់ជ្រូកចិញ្ច្រាំ
• - ខ្ទឹមស
• - ខ្ទឹមក្រហម
• - ម្ទេសទុំ
• - ប្រហុក
• - អំពិលទុំ
• - ស្ករត្នោត
• - ខ្លាញ់ជ្រូក
• - ពងមាន់១

របៀបធ្វើ៖
១. លីងសាច់ជ្រូក​ចិញ្ច្រាំ ១ខាំ ឱ្យឆ្អិន​ហើយ​ស្ងួត រួចដួស​ទុកមួយ​អន្លើ។
២. ចិញ្ច្រាំខ្ទឹមស ៥ក្លែប ខ្ទឹមក្រហម ៥ក្លែប លីង​ជាមួយ​ខ្លាញ់​ឱ្យ​ឈ្ងុយ។
៣. ដាក់ស្ករ ១ស្លាប​ព្រាបាយ ចូល​លីង​ឱ្យ​ឈ្ងុយ។
៤. ដាក់ប្រហុក ១ស្លាប​ព្រាបាយ ចូល លីងឱ្យ​ឈ្ងុយ។
៥. ដាក់អំពិល​ទុំកន្លះ​ស្លាប​ព្រាចូល កុំឱ្យ​ច្រើន​ពេក ប្រយ័ត្ន​ជូរជ្រុល។
៦. ចាក់សាច់ជ្រូកចូល កូរឱ្យ​សព្វ។ បើ​ស្ងួត​ពេក ចាក់ទឹក​បន្តិច​ចូល កូរឱ្យ​សព្វ ភ្លក់ កែកុន​រសជាតិ តាម​ចំណូល​ចិត្ត។
៧. គោះពងមាន់ ១ ដាក់ចូល កូរឱ្យសព្វ។
៨. ដាក់ម្ទេស ៤-៥គ្រាប់ ចូល ដាក់ទាំង​មូល​ក៏បាន ហាន់​ល្អិតៗ​ក៏បាន តាម​ចំណូល​ចិត្ត។
៩. អន្លក់បន្លែ តាម​ចំណូល​ចិត្ត មាន​ត្រសក់, ត្រប់, ត្រកួនខ្ចី, ពពាយខ្ចី, សណ្តែកគួរ​ជាដើម៕