របៀបធ្វើស្លាបមាន់បោក

គ្រឿងផ្សំ៖

• - ស្លឹកគ្រៃ, ខ្ទឹមស, ស្លឹកក្រូច, រមៀត, ម្ទេសក្រហម, លីងហើយ (បុកចូល​គ្នាឱ្យ​ម៉ត់) យកពីរ​ទៅបី​ស្លាបព្រា
• - សាច់ជ្រូក​ចិញ្ច្រាំ​លាយ​ខ្លាញ់​កន្លះគីឡូ
• - សណ្តែកដីលីង ២ស្លាបព្រាបាយ
• - ស្ករ ១ស្លាបព្រាកាហ្វេ
• - ទឹកត្រី ២ស្លាបព្រាបាយ
• - អំបិល ចុងស្លាបព្រាកាហ្វេ
• - ម្សៅឆា កន្លះស្លាបព្រាកាហ្វេ
• - ពងមាន់ ១
• - ប្រេងចៀន កន្លះខ្ទះ
• - ស្លាបមាន់១០

របៀបធ្វើ៖
១. យកសាច់ជ្រូកចិញ្ច្រាំ លាយ​ជាមួយ​គ្រឿងបុក ស្ករ, អំបិល, ទឹកត្រី, សណ្តែកដីលីង, ម្សៅឆា និងពងមាន់។ លាយឱ្យ​សព្វទុក​មួយអន្លើ។
២. យកស្លាបមាន់​ផ្នែក ២កំណាត់​ចុងស្លាប​មកកាច់​ហូត​យក​ឆ្អឹងចេញ រួច​ហើយ​ញាត់​សាច់​ជ្រូក​គ្រឿងចូល បន្ទាប់មក ​យក​ឬស្សី​ខ្ទាស់​បិតមុខ ទើបដាក់​បំពង​ឱ្យក្រហម។
៣. ជាអាហារ​ឆីជាមួយ​ជ្រក់​បន្លែ​ជូរអែម​មាន ផ្កាខាត់ណា, ត្រសក់, ការុត, ត្រសក់, ល្ហុង និងខ្ញី ជាដើម៕